30 Јан Повреда на член 3 од Конвенцијата, нечовечно или понижувачко постапување, Хрватска

Во предметот Вукушиќ против Хрватска (претставка бр. 37522/16), Европскиот суд за човекови права утврди повреда на членот 3 (нечовечно и понижувачко постапување) од Европската конвенција за човекови права.

Вукушиќ, кој одлежал казна во затворите во Загреб и во Сплит од 28 мај 2011 до 27 март 2013 година, тврди дека бил предмет на физички напад од страна на затворските службеници на 18 јануари 2012 година, што резултирал со губење на свеста и повреда на главата. За да се спречат понатамошни повреди, два дена подоцна бил сместен во специјално обезбедена „тапацирана ќелија“. Мерката повеќепати била продолжувана поради несоработка и закани до 13 јануари 2012 година, кога бил префрлен во затворската болница. По враќањето во сплитскиот затвор на 17 февруари 2012 година, Вукушиќ се заканил дека ќе проголта одредени предмети, што довело до негово сместување во безбедна ќелија, со лисици. Оваа мерка продолжила сè додека не бил префрлен во затворот во Загреб. И покрај поднесувањето жалби и барањата отштета, неговите барања биле одбиени од различни правни субјекти во Хрватска.

Во однос на членот 3, ЕСЧП утврди повреда на Конвенцијата за заштита на човековите права и основните слободи, наведувајќи ги нехуманите услови и непотребните ограничувања во затворите во Загреб и Сплит. Судот се согласи дека се чини дека продолжениот престој бил казна по својата природа, бидејќи првичните причини за заштита повеќе не постоеле. Употребата на лисици, исто така, се смета за непотребна, бидејќи опасните предмети биле претходно отстранети од ќелијата.  

Преземено од официјалната веб-страница на Европскиот суд за човекови права