18 Сеп Извештај на Комитетот за превенција на тортура (КПТ) за посетата на Албанија

Европскиот комитет за превенција на тортура и нечовечно или понижувачко постапување или казнување (КПТ) објави извештај за последната посета на Албанија во ноември 2018 година.

За време на својата посета, КПТ го испита лечењето и условите на притвор во полициските притворски одделенија, условите во кои живеат затворениците во повеќе затвори, како и состојбата на пациентите во државните и форензичко-психијатриските установи. Покрај тоа, делегацијата на КПТ за првпат го посети и притворски центар за мигранти во Албанија.

Во текот на посетата, делегацијата разговараше со голем број на притворени лица. Повеќето од нив изјавија дека полицијата со нив постапувала соодветно додека биле во притвор. Сепак, делегацијата доби и значителен број наводи за неодамнешна физичка злоупотреба на осомничени лица за криминал од страна на полициски службеници.

КПТ во својот извештај забележува дека албанските власти продолжуваат да вложуваат напори за проширување и модернизација на затворските капацитети. Се спомнуваат и новоизградени сместувачки блокови во затворот бр. 313 во Тирана, како и нов затвор во близината на Скадар, кој значително придонел за решавањето на проблемот на пренатрупаност во затворскиот систем.

КПТ, сепак, изразува загриженост заради фактот што Кривичниот законик претрпел измени во 2017 година со цел да се воведе казна доживотен затвор за определени видови на кривични дела, и потсетувајќи на релевантната судска пракса на Европскиот суд за човекови права, препорачува да се донесат измени и дополнувања на кривичното законодавство за да се овозможи условно пуштање на слобода на сите затвореници осудени на доживотен затвор (кои би биле предмет на проценка на ризик).

Целосниот извештај можете да го најдете тука: https://rm.coe.int/168097986b, а резимениот извештај тука: https://rm.coe.int/168097986c

Преземено од официјалниот веб-сајт на Советот на Европа