06 Mar Barazia në Praktikë – Zbatimi i Ligjeve të Barazisë në Serbi

Studimi Barazia në praktikë – Zbatimi i ligjeve të barazisë në Serbi u prezentua si një nga rezultatet e projektit dyvjeçar të titulluar Përmirësimi i Kornizës Ligjore dhe i Politikave të Barazisë në Serbi dhe Monitorimi i Zbatimit të Rregullave dhe Politikave të Barazisë.

Studimi trajton çështjen e diskriminimit të vazhdueshëm në Serbi, analizon kuadrin ligjor dhe politik dhe vlerëson efektivitetin e tij në praktikë.   Në mungesë të një studimi të ngjashëm, qëllimi i këtij studimi gjithëpërfshirës është të shërbejë si pikë reference kryesore dhe si bazë për të gjithë ata që punojnë në luftën kundër diskriminimit dhe promovimin e të drejtave dhe lirive themelore të njeriut. Nga ana tjetër, studimi synon të ndikojë te qeveria dhe te sistemi gjyqësor me autoritetin e vet, dhe të shërbejë si mjet efektiv i avokimit për përmirësimin e efikasitetit të kornizës antidiskriminuese.

Gjetjet e përfshira në këtë studim ngrenë pyetje serioze në lidhje me efikasitetin e legjislacionit në praktikë dhe tregojnë se ekzistojnë fusha në të cilat kuadri ligjor nuk siguron praktika më të mira ndërkombëtare, pavarësisht progresit të padiskutueshëm të arritur nga Serbia në dekadën e fundit sa i përket përmirësimit të kushteve dhe mundësive për ushtrimin e së drejtës për barazi përmes miratimit të Ligjit për ndalimin e diskriminimit dhe krijimin e një organi të pavarur për mbrojtjen e barazisë.

Studimi ofron rekomandime që janë gjithashtu prioritete që duhet të adresohen në të ardhmen me qëllim të përmirësimit të efikasitetit të kuadrit ekzistues ligjor dhe politik kundër diskriminimit.

Studimi u zbatua nga Praxis, organizata me seli në Londër, Equal Rights Trust dhe Komiteti i Sanxhakut për Mbrojtjen e të Drejtave dhe Lirive të Njeriut, me mbështetjen e Bashkimit Europian.

Referencat nga faqja zyrtare e Praxis

Storien e plotë mund ta lexoni këtu:

https://www.equalrightstrust.org/ertdocumentbank/Serbia%20report_EN.pdf